كَلَمات رقيقة يحتاج لها قلبك 💓

راحة نفسية جميلة أوووى هيحسها
قلبك لما تركز أوووى فى نقطة إن ربنا
بيقول فى كتابة ” وَتِلْكَ الْأَيَّامُ نُدَاوِلُهَا بَيْنَ النَّاسِ ”
وكمان ” يَسْأَلُهُ مَن فِي السَّمَاوَاتِ وَالْأَرْضِ ۚ (كُلَّ يَوْمٍ) هُوَ فِي شَأْنٍ “



بحس إن ربنا بيوصلك بيها إن تعبك
وحزنك وبعض الظروف اللى بتتفرض عليك
كله بيدوم أيام بسيطة وهيروح
ومقالش شهور ولا سنين 😳😍



أيام ويروح ألمك زى ما جه
أيام وتعيش يومك الجميل
أيام ويتغير الحال ويجيلك حقك
أيام وقلبك وخاطرك ربنا يجبرهم 💓



أيام واللى ظلمك تدور عليهم
الأيام ويتظلموا زى ما ظلموك
ويعيش كل واحد أذاك نفس ظروفك 😍





كما قال الشاعر
دع المقاديرَ تجري في أعَنّتها
ولا تبيتنّ إلا خاليَ البالِ
ما بين غَمضةِ عَين وانتباهتها
يغيّر الله من حالٍ إلى حالِ 💓



ودَعْ أمورك تجري في أعنتها
وظُنّ خيرًا ولا تسأل عن الخَبَرِ
ما بين غمضة عين وانتباهتها
يغير الله من عسر إلى يُسُرِ 😍



كل ما بقرأ قول الله تعالى وهو بيخفف على القلوب
بقوله ” فَعَسَىٰ أَن تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا “





بتخيل لحظة وجعك وحزنك اللى بتمر بيهم الفترة دى وهما
بيشدولك وراهم موكب ضخم مليان بأفراح ومفاجئات سعيدة
كانت متشاله ليك فى المستقبل , وقلبك مكنش متوقع حدوثها 😉💓





إتخيل بقى على قد ما تقدر وإطلق العنان لخيالك
وبروز الكلمتين دول فى بالك ” خَيْرًا كَثِيرًا” 😍





فـ إمتص صدمات قلبك وعلاقاتك , لعل شئ واحد بتكرهوا دلوقتى
هيكون سبب بركة فى أمور كتيرة أووى هتجيلك فى المستقبل القريب



الفكرة كلها أنها أيام مش أكتر من كده 😉
فك بقى التكشيرة ومتعقدهاش



ومساء الخير مع وردة لـ قلبك
الطيب اللى أكيد زى السكر 💓







يمكنك الإشتراك فى خدمة من دول يساعدنا نخليك فرحان:
             رسالةسعادة
                طاقة تفاؤل