التسميات
مرسلة بواسطة

طيبة قلبك هي مفتاحك للجنه 💓

متفضلش تعاتب فى نفسك وتقول أنا أهبل وغبى
لأن بسامح الناس كتير وبكون جدع وبيقابلوا طيبتى بقسوة وعذر 😔

إنت اللى زيك المفروض يكون فخور بقلبه وكيانه فى الدنيا دى
ومقامه الكبير عند ربنا وجايزته الكبيرة اللى متحضراله فى الأخرة 💛❤️

قال رسول الله ﷺ ” حرم على النار كل
هين ، لين ، سهل ، قريب من الناس” 💛❤️

تخيل نار متمسش جسمك لمجرد إنك كنت سهل فى تعاملك مع الناس
سهل فى إرضائك لما شخص قالك أنا أسف مش هكررها تانى 💛❤️

سهل ولين لما كان جواك كلمه صعبة عارف إنها هتأذى قلب فكتمتها
ومردتش على صحابها فى دنيا بتنافس فيها البعض بمين يكون لسانه أطول !

سهل فى البيع والشراء وفى كل حاجة ترضى ربنا مع البشر 💛❤️

هين ولين وسهل لما بعدت عن شخص من سكات , لا بصريخ
ولا بزعيق ولا بفضيحه ولا معايرة وتلقيح ولا بتهون عليك العشرة ولا
ربيت جواك دوافع انتقام وكره ، وبتسامح أى حد وبتسيب الباقى على ربنا 💛❤️


هين ولين وسهل لما نافسك شخص فى إنه يحرق
دمك وحسس نفسه إنه أنتصر عليك , فى حين أنك عاملته
بالأدب الربانى ” وَإِذَا خَاطَبَهُمُ الْجَاهِلُونَ قَالُوا سَلامًا ” 💛❤️


أنت بطل يا جميل وفى نعمة جميلة ربنا رزق قلب بيها وتستاهل الفرحة
فمن جواك إفتخر بقلبك وبفطرتك السليمة اللى بتحارب علشان متتشوهش 💛



يمكنك الإشتراك فى خدمة من دول يساعدنا نخليك فرحان

التسميات:

تعليقات

إرسال تعليق

المشاركات الشائعة