رسالة لقلبك الجميل 😃
قلبك مؤمن برسايل ربنا ؟
يبقي اعتبر “الكلام” ده مكتوب علشانك :)) !
رسالة لكل واحد حلمه إتاخر وحس إنه بقى بعيد أو خاف على ضياع اللى بيتمناه
– الملك الصالح ايوب .. ابن اخو صلاح الدين الايوبي .. كان ملك مصر بشعبها وجيشها ..وف يوم خرج الملك ايوب علشان يصلي العيد ومعاه الحرس والوزراء بتوعه.. والناس ملمومه حواليه وبتجري قدامه وتنضفله طريقه
راجل لُه هيبه والكل بيعمله حساب .. ف وهو في الطريق راجع من صلاة العيد .. خرج لُه عالم من علماء المسلمين اسمه ” العز بن عبد السلام .. ف اول لما العز شاف الملك ايوب ومعاه الحرس والخدم ..نده عليه وقاله :يا ايوب ! .كل اللي واقفين بصوا باستغراب وتعجب شديد ازاي ينادي الملك باسمه حاف كدا !
ايوب ! اكيد الملك هيعذبه ! .. ف الملك ايوب لف وشه وبصله وهو رافع حواجبه ومُندهش !! .. ف العز رفع راسه وبصله وقاله هتقول ايه يوم القيامه لربنا لما يقولك خليتك ملك وانت بتسمح للناس تبيع الخمور ؟! رد الملك ايوب وقاله : بس الخماره مفتوحه من عهد ابويا لما كان ملك متفتحتش في عهدي!
رد عليه العز بن عبد السلام وقاله والكفار برضه كانوا بيقولوا لقينا اجدادنا بيعبدوا الاصنام فعبدناها !! .. هتبقي زيهم وتقول لقيت ابويا مفتوحه الخماره في عهده ف سبتها !! قاله لا والله لن اكون مثلهم ابدا ! .. وامر بقفل الخمره في لحظتها ! .. فواحد سأل العز بن عبد السلام وقاله ..
عجيبه عليك ازاي مخوفتش من الملك وكمان ندهته بإسمه حاف من غير اي لقب مقولتش يا مولاي الملك ولا ياسيدي ! رد العز بن عبد السلام رد عمري ما انساه : قاله يا ولدي قولت في بالي ” الله عظيم ” وشعرت من جوايا بقُدرة الله و عظمته .. ومفيش اعظم من الله .. فلما شعرت بعظمة ربنا جوايا
مخوفتش ! بالعكس انا شوفت الملك في نظري كأنُه قُط !! ;D
مهما شوفت المواد صعبه ومعقده قول الله عظيم وهيهونها في نظري وخد خطوه ! مهما حسيت ان حلمك بعيد قول ف قلبك الله عظيم ومش هيكسفني واسعي .. بتحب حد ونفسك ربنا يهديلك الحال معاه وشايف دا صعب قول الله عظيم وصدقها هتلاقي الامور
بتتحل وماشيه زي السكينه في الحلاوه ؛D .. ربنا صنع ف عنين الجمل حاجه بتخليه يشوف حجم البشر ضخم فعشان كدا بيطيع البني آدم اللي بيسوقه ! .. خلي عندك عيون الجَمل وانت بتبص لقدرة ربك وعظمته هتلاقي نفسك بتتساق للخير والبركه وراحة البال .. اجمد كدا ومتضعفش ولا تقول دي اتلخبطت
واتدهولت ع الآخر والله انت اللي مدهول بتفكيرك المحدود دهون .. ربنا اعظم من انه يخلقك وينساك او يسيبك .. هتنجح وهتفرح وهتتعدل وكله هيبقي عال .. متبقاش كئيب .. مبيضركش غير علشان ينفعك مبيخليش قلبك يبكي غير لانه مخبيله حاجه هتطيره من الفرحه والسعاده..مهما وقف قدامك كُتلة هم او يأس
قول من جواك الله عظيم ! هتلاقي الحديد في ايدك زي العجينه ! والمحنه اللي قد الفيل هتبقي ف نظرك نمله ! ربنا ميحبش يخذل عبده او يكسفه وميجبرش بخاطره.. هو دلوقت سامع ضربات قلبك اللي جواك ولخبطت وكركبة الدعواة اللي مبتعرفش تقولها وترتبها..عالم قد ايه انت محتاجله ونفسك تفرح وتنشكح
ومتنكسرش .. وهيجبرك ! لانه عظيم .. وبكره لما تسجد من الفرحه والانشكاح هتفتكر الكلام دا.. احد علماء المسلمين بيقول : من استعان بعظمة الله كفاه ربه كُل شيء لانه استقوي بقوة الله فيعينه ربه علي الدنيا وما فيها !
الله عظيم
تعليقات
إرسال تعليق